ریاض : کنگ سلمان سینٹر برائے انسانی امداد نے شام کی مدد کیلئے فضائی پل قائم کر دیا ہے۔سعودی پریس ایجنسی کے مطابق منگل اور چہارشنبہ کی درمیانی شب سعودی امداد کے تحت دو طیارے دمشق روانہ کردیئے گئے ہیں۔کنگ سلمان سنٹر کی انتظامیہ نے کہا ہے کہ ’شام میں سعودی امداد شامی ہلال احمر کے ذریعہ تقسیم کی جائے گی‘۔’روانہ کئے جانے والے دو طیاروں میں سے ہر ایک میں 28 ٹن امدادی سامان ہے جس میں خشک راشن، غذائی اشیا، ادویہ اور سلیپنگ بیگز شامل ہیں‘۔
