نئی دہلی۔ ہندوستانی ٹسٹ ٹیم کے مڈل آرڈر بیٹر شریاس آئر زخمی ہونے کے باعث انگلینڈ کے خلاف باقی تین ٹسٹ میچوں سے باہر ہونے کا امکان ہے۔ رپورٹ میں کہا گیا ہے کہ ائیر نے کمر میں سختی اور درد کی شکایت کی ہے اور انہیں مزید ٹسٹوں کے لیے بنگلور میں نیشنل کرکٹ اکیڈمی (این سی اے) بھیجا جائے گا۔ جب کہ دوسرے ٹسٹ کے لیے پوری اسکواڈ کی پلیئنگ کٹس کو براہ راست ویزاگ سے راجکوٹ پہنچایا گیا، تیسرے ٹسٹ کے مقام پر جو15 فروری کو شروع ہو رہا ہے، ائیرکا سامان خاص طور پر ممبئی میں ان کے گھر بھیجا گیا تھا۔ ایئر نے ہندوستانی ٹیم انتظامیہ اور طبی عملے کو مطلع کیا ہے کہ 30 سے زیادہ گیندیں کھیلنے کے بعد ان کی کمر اکڑ جاتی ہے اور وہ فارورڈ ڈیفنس کھیلتے ہوئے اپنی کمر میں درد محسوس کرتے ہیں۔ سرجری کے بعد وہ پہلی بار اس مسئلے کا سامنا کر رہے ہیں اس لیے وہ انہیں کچھ ہفتوں کے لیے آرام کا مشورہ دیا گیا ہے۔ وہ بعد میں این سی اے جائیں گے۔ ائیر نے حیدرآباد اور ویزاگ میں کھیلے گئے پہلے دو ٹسٹ میں 35، 13، 27، 29 کے اسکور کیے ہیں۔ ٹیم انڈیا جو ایک مختصر وقفے پر ہے 11 فروری کو راجکوٹ میں جمع ہونے کی توقع ہے اور اگلے دن ٹریننگ دوبارہ شروع ہونے کا امکان ہے۔
