ششانت سنگھ کیس۔ کنگانا راناؤت نے ادتیہ ٹھاکرے پر کیا لفظی حملہ

,

   

ممبئی۔مہارشٹرا کے وزیر سیاحت اور ماحولیات ادتیہ ٹھاکرے نے ششانت سنگھ راجپوت کی موت کے معاملے میں ان کے ملوث ہونے پر خاموشی توڑی تواس کو گندی سیاست قراردیتے ہوئے اداکارہ کنگانا راناوت نے نوجوان سیاسی لیڈر پر سلسلہ وار ٹوئٹس کے ذریعہ طنز کسا۔

خاندان پروری کی جنگ
ششانت سنگھ کی موت کے بعد سے خاندان پروری کی ساری جنگ کے دوران صف اول پر رہ کر مقابلہ کرنے والی مذکورہ ’کوئن‘ کی اداکارہ نے ادتیہ ٹھاکرے کو اپنے سلسلہ وار ٹوئٹس میں تنقید کا نشانہ بنایا‘ جو ٹیم کنگانا راناوت کی ٹوئٹر ہینڈل سے جاری کئے گئے ہیں۔

کنگانا نے ادتیہ پر فقرہ کستے ہوئے کہاکہ ”سب جانتے ہیں ان کے والد(ادھوٹھاکرے) کس طرح چیف منسٹر بنے ہیں۔

مذکورہ ’پنگا‘کی اداکارہ نے ادھو ٹھاکرے سے کچھ سوالات کئے اس کے جوابات ششانت سنگھ راجپوت کی موت سے منسلک ہیں۔

سوالات
’حیرت کی بات ہے کہ گندی سیاست کی کون بات کررہا ہے۔ تمہارے والد کی حاصل کردہ سی ایم کی سیٹ گندگی سیاست کاسبق ہے سر۔ تمام باتوں کو بھول کر اپنے والد سے ایس ایس آر کی موت کے متعلق کچھ سوالات کا جواب مانگو‘

ریہا کہاں ہے
کیوں ممبئی پولیس ایس ایس آر کی غیر قدرتی موت کا ایف ائی آر نہیں لے رہی ہے

جب ایک شکایت فبروری کے مہینے میں ایس ایس آر کی زندگی کو خطرہ لاحق ہونے کے

حوالے سے کی گئی تھی تو کیوں ممبئی پولیس پہلے دن سے اس کو خود کشی بول رہی ہے؟۔

ہم کیوں فارنسک ماہرین کی مدد حاصل نہیں کررہے ہیں اور ایس ایس آر کے فون کی تفصیلات کی جانچ نہیں کررہے ہیں جو ان کے قتل کے ہفتہ کے دوران فون پر ہوئی بات چیت

پر مشتمل ہے؟
کیوں ائی پی ایس ونئے تیواری کو قرنطین کے نام پر نظر بند کردیاگیاہے‘؟۔

سی بی ائی سے اتنا خوف کیوں ہورہا ہے؟۔

کیوں ریہا اور اس کی فیملی نے ششانت کے پیسوں کی لوٹ مار کی؟۔