نئی دہلی: دہلی پولیس نے بدھ کے روز جعفرآباد کے علاقے میں انسداد شہریت ترمیمی قانون (سی اے اے) کے دوران ہونے والے تشدد کے سلسلے میں تین ایف آئی آر درج کی جبکہ اس واقعے کے سلسلے میں پانچ افراد کو حراست میں لیا گیا ہے۔ ہنگامہ آرائی اور عوامی املاک کو نقصان پہنچانے پر آئی پی سی سیکشن کے تحت دو ایف آئی آر درج کی گئیں۔ پولیس حراست میں لئے گئے پانچ افراد کے پس منظر کی جانچ کررہی ہے۔
پتھراؤ کے الزام میں متعلقہ آئی پی سی سیکشن کے تحت برج پوری میں ایک ایف آئی آر درج کی گئی۔
دریں اثنا پولیس نے سلیم پور کے علاقے میں شہریت سے متعلق قانون کے مظاہرے کے سلسلے میں مجموعی طور پر چھ افراد کو گرفتار کیا۔
پولیس نے بتایا کہ کچھ دیگر افراد کی گرفتاری کے لئے چھاپے مارے جارہے ہیں جن کی شناخت بھی ہوگئی ہے۔
گل کے روز دو بسوں کو نذر آتش کرنے والے مظاہرین کو منتشر کرنے کے لئے پولیس کو آنسو گیس کے گولے استعمال کرنے پر مجبور کرنے پر شمال مشرقی دہلی کے سلیم پور علاقے میں سی اے اے کے خلاف احتجاج پرتشدد ہوگیا۔
مظاہرے کی وجہ سے پولیس نے سڑک پر گاڑیوں کی آمدورفت بھی روک دی جو سلیم پور کے راستے جعفر اباد جاتی ہے۔
جامعہ ملیہ اسلامیہ میں شہریت کے قانون کو لے کر پولیس اور مظاہرین کے درمیان جھڑپوں کے چند روز بعد سلیم پور میں بھی پرزور احتجاج ہوا۔
دہلی کے وزیر اعلی اروند کیجریوال اور وزیر اعظم نریندر مودی نے عوام سے امن و سکون برقرار رکھنے کی اپیل کی ہے۔