اورنگ آباد: مہاراشٹر کا مراٹھواڑہ علاقہ میں اتوار کو چھترپتی شیواجی مہاراج کی 393 ویں یوم پیدائش روایتی جوش و خروش کے ساتھ منا رہا ہے ۔آج مراٹھواڑہ خطہ کے آٹھ اضلاع میں چھترپتی شیواجی جینتی کے موقع پر سیاسی، غیر سیاسی، سماجی اور اسکولی طلباء سمیت سماج کے مختلف طبقوں کی جانب سے مختلف پروگراموں کا انعقاد کیا گیا۔اورنگ آباد میں صبح سے ہی مختلف تنظیمیں شیو پریمی کرانتی چوک پہنچ کر چھترپتی شیواجی مہاراج کے بلند مجسمے پر خراج عقیدت پیش کر رہی ہیں۔ شیو مہوتسو کمیٹی کی جانب سے صبح 8 بجے سے رات 10 بجے تک مختلف پروگرام منعقد کیے گئے ہیں۔صبح کرانتی چوک پر چھترپتی شیواجی مہاراج کے مجسمے پر پرچم کشائی اور پوجا پروگرام کا انعقاد کیا گیا، جس میں مرکزی وزیر مملکت برائے خزانہ ڈاکٹر بھاگوت کراد نے بھی شرکت کی۔پولیس نے تہوار کے دوران شہر میں کسی بھی ناخوشگوار واقعے سے بچنے کے لیے سیکورٹی کے وسیع انتظامات کیے ہیں۔مراٹھواڑہ خطے کے دیگر اضلاع میں بھی شیو جینتی منائے جانے کی اطلاعات ہیں۔
