شیوسینا کے رہنما سنجے راوت نے جمعرات کو کہا کہ ممبئی میں شیوسینا بھون صرف ایک سیاسی پارٹی کا ہیڈکوارٹر نہیں ہے بلکہ مہاراشٹر کی شناخت کی علامت ہے اور کسی کو بھی اس پر بری نظر ڈالنے کی ہمت نہیں کرنی چاہئے۔ بی جے پی اور شیوسینا کے درمیان بدھ کے روز وسطی ممبئی کے دادر کے علاقے میں شیوسینا بھون کے باہر بی جے پی کے یوتھ ونگ کی جانب سے ایودھیا اراضی معاملہ تنازعہ کے سلسلے میں شیو سینا کے ترجمان ‘سامنا’ میں مبینہ طور پر “توہین آمیز” تبصرے کے خلاف احتجاجی مارچ کے بعد جھڑپ ہوئی۔ ۔شیو سینا کے ایم ایل اے سدا سرونکر نے کہا تھا کہ ان کی پارٹی کارکنوں کو اطلاع ملی تھی کہ بی جے پی کارکن شیوسینا کی عمارت میں توڑ پھوڑ کرنے آرہے ہیں۔ اس واقعے کے بارے میں صحافیوں سے گفتگو کرتے ہوئے راوت نے کہا کہ شیو سینا بھون مراٹھی اور مہاراشٹرا کی علامت ہے۔شیوسینا کے سینئر رہنما نے کہا ، کسی کو بھی ہمیں گونڈا ہونے کا سرٹیفکیٹ دینے کی ضرورت نہیں ہم تصدیق شدہ ہیں
