حیدرآباد 17جنوری(یواین آئی)آندھراپردیش کے ضلع اننت پور میں تیندوے کے حملہ میں کسان زخمی ہوگیا۔ اس زخمی شخص کی شناخت رامو کے طورپر کی گئی ہے جو اپنے کھیت کی سمت جارہا تھا کہ اچانک اس تیندوے نے اس پر حملہ کردیا۔اس زخمی شخص نے چیخ وپکار شروع کردی جس کے ساتھ ہی قریب میں کھیتوں میں موجود افراد نے بھی بڑی بڑی آوازیں نکالنی شروع کردی جس سے خوفزدہ ہوکر یہ تیندواجنگل میں فرارہوگیا۔رامو نے بتایا کہ وہ کھیتوں کو پانی کیلئے موٹرآن کرنے کیلئے جارہا تھا۔
اس زخمی کسان کو علاج کے لئے اسپتال منتقل کردیاگیا۔
