بھارت کی صدر جمہوریہ دروپدی مرمو نے جمعرات کو میزورم میں تعلیم سے متعلق مختلف پروجیکٹوں کا افتتاح کیا، جن میں لڑکیوں کے دو ہاسٹل، ایک سرکاری کالج اور انڈین انسٹی ٹیوٹ آف ماس کمیونیکیشن (IIMC) کا مستقل کیمپس شامل ہے۔ میزورم یونیورسٹی (MZU) کے 17ویں کانووکیشن سے خطاب کرتے ہوئے، مرمو نے طلباء پر زور دیا کہ وہ حاصل کردہ علم اور ہنر کو معاشرے اور قوم کی ترقی کے لیے استعمال کریں۔ مرمو صدر بننے کے بعد پہلی بار شمال مشرقی ریاست کے دو روزہ دورے پر ہیں۔ انہوں نے طلباء سے کہا کہ وہ ناخواندہ لوگوں کو تعلیم دینے کی ذمہ داری لیں دروپدی مرمو نے یہ بھی کہا کہ یونیورسٹی نے “تعلیم کو فروغ دینے کے لیے سنجیدہ کوششیں” کی ہیں، جس کے نتیجے میں سائنس، آرٹس، کامرس، انجینئرنگ اور میڈیکل سائنس کے شعبوں میں قابل ذکر ترقی ہوئی ہے۔
