دبئی۔5 اکتوبر۔(سیاست ڈاٹ کام) عراق میں الصدری گروپ کے سربراہ مقتدی الصدر نے جمعہ کے روز عراقی حکومت سے مطالبہ کیا ہے کہ وہ خون ریزی کا سلسلہ روکنے کیلئے مستعفی ہو جائے۔ الصدر نے اقوام متحدہ کی نگرانی میں قبل از وقت انتخابات کرانے کا بھی مطالبہ کیااور ’’سائرون‘‘ گروپ سے تعلق رکھنے والے ارکان پارلیمنٹ سے مطالبہ کیا تھا کہ وہ اپنی رکنیت معطل کر دیں۔ بعد ازاں مذکورہ گروپ نے مظاہرین کے مطالبات پورے ہونے تک اپنے ارکان پارلیمنٹ کی رکنیت معطل کرنے کا اعلان کر دیا۔ سائرون گروپ کی جانب سے جاری ایک بیان میں کہا گیا کہ و مظاہرین کے ’قانونی‘ مطالبات میں ان کے ساتھ کھڑا ہے۔
