تل ابیب: اسرائیل کے چند گھنٹوں کے دوران غزہ سٹی کے تین ہاسپٹلوں پر حملے ، الوفا ہاسپٹل پر حملے میں متعدد لوگ جھلس گئے ۔ذرائع کا بتانا ہے کہ حملے میں کم از کم 7 فلسطینی شہید ہوئے ، جمعہ کو کمال عدوان ہاسپٹل کو آگ لگا کر صیہونی فوج نے ہاسپٹل ڈائریکٹر اور عملے سمیت سیکڑوں افراد کو قیدی بنالیا تھا۔عالمی امدادی اداروں نے ڈاکٹر حسام ابو صفیہ کی رہائی کا مطالبہ کیا ہے ۔دوسری جانب شدید سردی سے ٹھٹر کر غزہ کا ایک اور نومولود دم توڑ گیا، اب تک پانچ بچوں کی ٹھنڈ سے اموات رپورٹ ہوچکی ہیں۔
