پیرس۔ 11مارچ ۔(سیاست ڈاٹ کام) فرانس میں کورونا وائرس (کووڈ ۔19) کی وجہ سے مرنے والوں کی تعداد بڑھ کر 33 ہو گئی ہے ۔ محکمہ صحت کے ڈائریکٹر جنرل جیروم سالومون نے منگل کے روز یہ اطلاع دی ۔ فرانس میں ایک دن میں کورونا وائرس کے 372 نئے معاملے سامنے آنے کے بعد اس سے متاثرہ مریضوں کی تعداد بڑھ کر 1784 ہو گئی ہے ۔ کورونا وائرس کی وجہ سے مرنے والے 33 افراد میں سے 25 کی عمر 75 سال سے زائد تھی اور وہ دیگر کئی بیماریوں سے بھی مبتلا تھے ۔
