نئی دہلی22جولائی(سیاست ڈاٹ کام )قومی قبائلی کمیشن نے اترپردیش کے سون بھدر ضلع کے ایک گاؤں میں زمینی تنازعہ میں 10قبائلی لوگوں کے مارے جانے اور کئی کے زخمی ہونے کے معاملے کی جانچ کیلئے جائے وقوع کا دورہ ملتوی کردیا ہے ۔مرکزی قبائلی وزارت ذرائع نے بتایا کہ کمیشن نے سون بھدر امبھا گاؤں کا دورہ ملتوی کردیا ہے ۔یاترا ٹلنے کی کوئی وجہ نہیں بتائی گئی ہے ۔اس ٹیم کو آج دوپہر بعد سون بھدر پہنچنا تھا۔کمیشن نے الیکٹرانک اور پرنٹ میڈیا میں شائع اور نشرخبروں پر نوٹس لیتے ہوئے گزشتہ ہفتے امبھا گاؤں کا دورہ کرنے کا فیصلہ کیاتھا۔اس ٹیم میں کمیشن کے صدر نند کمار سائیں،کمیشن کی رکن مایا چنتامن اواناتے ،جوائنٹ سکریٹری ایس کے راٹھو اور اسسٹنٹ ڈائریکٹر آر کے دوبے کو شامل کیاگیاتھا۔ٹیم کو مرزا پور کے سب ڈیویژنل کمشنر اور وارانسی ڈویژن کے اڈیشنل پولیس ڈائریکٹر جنرل سے ملاقات کرنی تھی۔
