دوحہ:قطر ایئر ویز کے چیف ایگزیکٹیو آفیسراکبر البکر نے رواں ماہ میں دوسری مرتبہ ایئربس کمپنی کو تنقید کا نشانہ بنایا ہے۔میڈیا کے مطابق انہوں نے ایئر بس کمپنی کو متنبہ کیا ہیکہ قطر ایئر لائن غیر یقینی سنگین مسئلے پر رواں سال فرانسیسی طیارہ سازکمپنی ایئر بس سے طیاروں کی وصولی روک سکتی ہے۔چیف ایگزیکٹیو آفیسر اکبر البکر نے ایک ٹی وی چینل کو انٹرویو دیتے ہوئے کہا ہے کہ فرانسیسی طیارہ ساز کمپنی ایئر بس کے ساتھ ہمارے تحفظات ہیں جنہیں ابتدائی طور پر طئے کرنے کی ضرورت ہے۔اگر کمپنی ان کے ساتھ موجود ایسے سنگین مسئلے کو حل نہیں کرسکتی تو ہم ان سے کوئی بھی طیارہ لینے سے انکار کر دیں گے۔میڈیا کے مطابق انہوںنے کہا ہے کہ قطر ایئر ویز کے ساتھ تعلقات کی خرابی سے ایئر بس کے لیے انٹرنیشنل ائیرلائنز گروپ(آئی اے جی)، لاتام ائیر اور دیگر ایئر لائنز کے ساتھ تعلقات میں تناؤ کا باعث بنے گی۔ چیف ایگزیکٹیو آفیسر اکبر البکرنے مزید کہا کہ ہم معذرت کے ساتھ کہتے ہیں کہ مسئلہ کیا ہے یہ ہم اپ کو واضح طور پر نہیں بتا سکتے۔فرانس کی کمپنی بلیگنک کے ترجمان نے کہا ہیکہ وہ صارفین سے ان کی ضروریات کے بارے میں مستقل بات چیت کر رہے ہیں اور ایئر بس کی جانب سے بھی قطر ائیر کی ضروریات اور اس سے متعلق تفصیلات کی وضاحت نہیں کی جائے گی۔