رائے پور : چھتیس گڑھ کے وزیر اعلی بھوپیش بگھیل نے کہا کہ ریاست میں جلد ہی قومی سطح کا سکل سیل ریسرچ سنٹر قائم کیا جائے گا۔ مسٹر بگھیل نے آج یہاں اپنی رہائش گاہ پر منعقدہ ایک ورچوئل پروگرام میں ریاست کے میڈیکل کالجوں اور ضلع اسپتالوں میں قائم کیے گئے نئے اسکیل سیل مینجمنٹ مراکز کا افتتاح کرتے ہوئے یہ اعلان کیا۔انھوں نے ریاست کے 28 اضلاع میں اسکیل سیل مینجمنٹ مراکز کا افتتاح کیا۔ اس کے ساتھ ہی راجدھانی رائے پور میں واقع 24 ضلع اسپتالوں، نو میڈیکل کالجوں اور سکل سیل انسٹی ٹیوٹ چھتیس گڑھ میں مفت سکل سیل کی جانچ، علاج اور مشاورت کی سہولت دستیاب ہو گئی ہے ۔ اس موقع پر وزیر صحت ٹی ایس سنگھ دیو بھی موجود تھے ۔ انہوں نے کہا کہ سکل سیل ایک سنگین جینیاتی بیماری ہے ۔ آنے والی نسلوں کو اس بیماری سے بچانے کے لیے اس بیماری کے بارے میں آگاہی سب سے زیادہ ضروری ہے ۔ مناسب طبی انتظام اور ادویات کے ساتھ سکل سیل کے مریضوں کی جلد شناخت اس کے جسمانی مضر اثرات کو کم کر کے لمبی زندگی کا باعث بن سکتی ہے ۔یہ ضروری ہے کہ مریضوں کو مناسب علاج آسانی سے دستیاب ہو۔ اس کے علاوہ شادی سے پہلے سیکل سیل کے جینیاتی خصلتوں سے متاثرہ افراد کی شناخت کرکے انہیں اس بارے میں ضروری مشاورت دے کر آنے والی نسلوں میں اس بیماری کے پھیلاؤ کو کم کیا جاسکتا ہے ۔
