حیدرآباد: حیات نگر علاقہ میں پیش آئے ایک سڑک حادثہ میں ریتی کی لاری کو ٹکر دینے کے نتیجہ میں ایک آر ٹی سی ڈرائیور ہلاک ہوگیا۔ پولیس کے مطابق 48 سالہ پی ستی ریڈی پیشہ سے آر ٹی سی ڈرائیور ہے ، کل وہ ایک ڈی سی ایم گاڑی چلا رہا تھا اور حیات نگر علاقہ میں ایک تیز رفتار چلتی ہوئی ریتی کی لاری نے اچانک بریک لگادیا جس کے نتیجہ میں اس نے ٹکر دے دی ۔ اس حادثہ میں ستی ریڈی شدید زخمی ہوگیا تھا اور اسے دواخانہ منتقل کیا گیا جہاں پر ڈاکٹروں نے اسے مردہ قرار دیا تھا۔ پولیس حیات نگر اس سلسلہ میں ایک مقدمہ درج کرلیا ۔
