نئی دہلی۔30 مارچ (سیاست ڈاٹ کام) لوک سبھا کے بجٹ سیشن کا اتوار کو اختتام ہو گیا۔لوک سبھا سکریٹریٹ نے کل دیر رات بتایا کہ صدر رام ناتھ کووند نے 17 ویں لوک سبھا کے 31 جنوری کو شروع ہونے والے تیسرے سیشن کا اتوار کو ختم کرنے کا حکم دیا۔اس سیشن میں کل 23 اجلاس ہوئے ۔کورونا وائرس کووڈ۔ 19 کے پیش نظر 23 مارچ کو بغیر بحث کے مالیات بل منظور کرا کر طے پروگرام سے پہلے ہی ایوان کی کارروائی غیر معینہ مدت کے لئے ملتوی کر دی گئی تھی۔ پہلے جاری پروگرام کے مطابق ایوان کا اجلاس 3 اپریل تک ہونا تھا۔
