نئی دہلی: لوک سبھا کے سابق اسپیکر ڈاکٹر بلرام جاکھڑ کے یوم پیدائش کے موقع پر آج پارلیمنٹ ہاؤس کے سینٹرل ہال میں انہیں خراج عقیدت پیش کیا گیا۔اراکین پارلیمنٹ، سابق رکن پارلیمنٹ پی سی مودی، راجیہ سبھا کے سکریٹری جنرل اور لوک سبھا اور راجیہ سبھا سکریٹریٹ کے افسران نے ڈاکٹر جاکھڑ کو خراج عقیدت پیش کیا۔آنجہانی ڈاکٹر بلرام جاکھڑ 22 جنوری 1980 کو ساتویں لوک سبھا کے اسپیکر منتخب ہوئے اور 15 جنوری 1985 تک اس عہدے پر فائز رہے ۔ 16 جنوری 1985 کو وہ متفقہ طور پر آٹھویں لوک سبھا کے اسپیکر کے عہدے کے لیے دوبارہ منتخب ہوئے اور پوری مدت کے لیے یعنی 18 دسمبر 1989 تک عہدے پر فائز رہے ۔ڈاکٹر جاکھڑ کو یہ منفرد اعزاز حاصل ہے کہ وہ آزاد ہندوستان میں لوک سبھا کے ایسے واحد اسپیکر رہے جنہوں نے لگاتار دو لوک سبھا کی مکمل مدت کی صدارت کی ہے ۔ ایک کسان گھرانے سے تعلق رکھنے والے ڈاکٹر جاکھڑ نے دسویں لوک سبھا کے دوران 1991 سے 1996 تک مرکزی وزیر زراعت کے طور پر بھی خدمات انجام دیں۔ 3 فروری 2016 کو ڈاکٹر جاکھڑ کا انتقال ہوا۔
