دبئی : متحدہ عرب امارات کی قومی ایمرجنسی کرائسیس اور ڈیزاسسٹر مینجمنٹ اتھارٹی (این سیما) نے گذشتہ 24 گھنٹے میں کووِڈ-19 کے 2196 نئے کیسوں کی تشخیص کی اطلاع دی ہے جبکہ پہلے سے اس مہلک وائرس کا شکار پانچ مریض وفات پا گئے ہیں۔ این سیما نے چہارشنبہ کو اطلاع دی ہیکہ کرونا وائرس کے 226275 ٹسٹ کیے گئے ہیں۔ ان میں سے مذکورہ کیسوں کی تشخیص ہوئی ہے۔اس کے علاوہ پہلے سے اس مہلک وائرس کا شکار 2385 مریض صحت یاب ہوگئے ہیں۔اس طرح اب تک ملک میں 429573 مریض تندرست ہوچکے ہیں۔ اتھارٹی کے فراہم کردہ اعدادوشمار کے مطابق یو اے ای میں اس وقت کووِڈ-19 کے فعال کیسوں کی تعداد 15565 ہے۔کورونا وائرس کی وَبا پھیلنے کے بعد ملک میں 446594 کیسوں کی تشخیص کی گئی ہے۔
ان میں سے 1456 مریض وفات پا چکے ہیں۔یو اے ای میں اس وقت کرونا وائرس کی ویکسین لگانے کی مہم بھی زورشور سے جاری ہے۔اب تک ملک میں مختلف ویکسینس کے 76 لاکھ سے زیادہ انجکشن لگائے جاچکے ہیں۔نیز ملک کی ضعیف العمرآبادی میں سے نصف کو ویکسین لگائی جاچکی ہے۔
