نئی دہلی: یونائیٹڈ کسان مورچہ (ایس کے ایم) کم از کم امدادی قیمت (ایم ایس پی) کی قانونی ضمانت سمیت اپنے مختلف مطالبات کے لیے مارچ میں دہلی میں مظاہرہ کرے گا، مختلف کسان یونینوں کی نمائندہ تنظیم ایس کے ایم کے لیڈر درشن پال نے یہاں منعقد کسان پنچایت میں یہ اعلان کیا۔ متحدہ کسان مورچہ کی کال پر کسان مہاپنچایت میں پنجاب، ہریانہ، اتر پردیش، ہماچل پردیش، راجستھان اور اتراکھنڈ سمیت مختلف ریاستوں کے کسانوں نے شرکت کی۔منسوخ کیے گئے تین زرعی قوانین کے خلاف احتجاج کرنے والا یونائیٹڈ کسان مورچہ کم از کم امدادی قیمت کی قانونی ضمانت کا مطالبہ کر رہا ہے۔ پال کے علاوہ راکیش ٹکیت، جوگندر سنگھ اوگراہن اور ہریندر سنگھ لاکھووال سمیت کئی کسان لیڈروں نے اس میں حصہ لیا۔
