ریاض : سعودی ولی عہد و وزیراعظم شہزادہ محمد بن سلمان سے کینیڈا کے وزیراعظم جسٹن ٹروڈو نے ٹیلی فون پر رابطہ کیا ہے۔ ایس پی اے کے مطابق رابطے کے دوران دونوں ملکوں کے درمیان تعلقات کے پہلووں اور مختلف شعبوں میں انہیں مضبوط بنانے کے طریقوں کا جائزہ لیا گیا۔دونوں رہنماوں نے شام، غزہ اور فلسطینی علاقوں کی صورتحال سمیت مشترکہ دلچسپی کے متعدد امور پر تبادلہ خیال کیا۔علاوہ ازیں کشیدگی کو کم کرنے، خطے میں سکیورٹی، امن اور استحکام کے حصول کے لیے کوششوں کی سپورٹ کی اہمیت پر زور دیا گیا۔
فیصل بن فرحان سے اسپین کے ہم منصب کا رابطہ
ریاض : وزیر خارجہ شہزادہ فیصل بن فرحان سے ا سپین کے وزیر خارجہ خوسیہ مانویل نے ٹیلیفونک رابطہ کیا ہے۔سبق ویب سائٹ کے مطابق دونوں وزرائے خارجہ نے باہمی دلچسپی کے متعدد اُمور پر تبادلہ خیال کیا ہے۔سعودی اورا سپین کے وزرا نے علاقائی اور بین الاقوامی معاملات پر بھی تبادلہ خیال کیا ہے۔
