ریاض : مدینہ منورہ میں ’ویزہ سنٹر‘ کا افتتاح کردیا گیاہے۔ ویزے سنٹر کے قیام سے ریجن میں مقیم سعودی شہری اورغیر ملکیوں کو مختلف ممالک کے ویزے حاصل حاصل کرنے میں سہولت ہوگی۔اخبار 24 کے مطابق مدینہ چیمبرآف کامرس اینڈ انڈسٹریز کے چیئرمین منیربن سعد نے ویزہ سنٹرکا افتتاح کیا اس موقع پرانہوں نے ’وی ایف ایس گلوبل‘ کمپنی کے ساتھ کیے گئے معاہدہ پربھی دستخط کیے۔ویزہ سنٹرکے قیام کا مقصد محتلف ممالک جن میں برطانیہ، یونا اورفرانس کے لیے ویزہ حاصل کرنے کی سہولت فراہم کی گئی ہے جبکہ ریجن میں مقیم ہندوستانی، فلپائن اور سری لنکن شہریوں کے پاسپورٹ کی تجدید و اجرا کی سہولت بھی فراہم کی جائے گی۔مذکورہ ویزہ سنٹرمیں تینوں یورپی ممالک کے لیے ویزے درخواستیں وصول کرکے انہیں مطلوبہ ممالک کے سفارتخانے ارسال کیاجائے گا جہاں سے ویزہ لگانے کی کارروائی مکمل کی جائے گی۔بھارت ، فلپائن اور سری لنکن شہریوں کی سہولت کے لیے انکے پاسپورٹ کی تجدید واجرا کی درخواستیں بھی سنٹرل ویزہ سنٹرمیں وصول کی جائیں گی۔
