7 ہزار اسپیکرنصب‘24گھنٹے نگرانی کیلئے عملہ تعینات
ریاض : صدارت عامہ برائے امور حرمین شریفین کی جانب سے مسجد حرام میں مسلسل دیکھ بھال کیلئے بہترین خدمات کی انجام دہی کے ساتھ مسجد حرام میں دنیا کا سب سے بڑا ساؤنڈ سسٹم نصب کیا گیا ہے۔مسجد حرام میں نصب جدید ترین ساؤنڈ سسٹم دنیا کا سب سے بڑا صوتی نظام ہے۔ یہ نظام جدید ترین اینٹینا اور حساسیت کے ساتھ کام کرتا ہے جو جدید آلات کا استعمال کرتے ہوئے اس جگہ کی ضروریات کے مطابق تیار کیا گیا ہے۔ اس نظام کو چلانے کیلے تربیت یافتہ ماہرین مقرر کئے گئے ہیں جو 24 گھنٹے اس سسٹم کے ذریعہ آڈیو سگنل کو اللہ کے مقدس گھراور مسجد حرام کے کونے کونے تک پہنچانے کیلئے مصروف رہتے ہیں۔مسجد حرام میں الیکٹرانک بزنس ڈپارٹمنٹ کے ڈائریکٹر انجینئر سعید بن خلف العمری نے مسجد میں کمیونیکیشن اینڈ میڈیا افیئرز ایجنسی سے بات کرتے ہوئے کہا کہ آڈیو سسٹم اذان کے معیار کے مطابق تیار کیا گیا ہے۔ سسٹم میں اذان اور اقامت کے ساتھ نماز پنج گانہ بھی ادا کی جاتی ہے۔ ہر نماز سے پہلے مستقل طور پر 120 سے زیادہ انجینئر اور تکنیکی ماہرین کام کرتے ہیں۔ مسجد حرام میں کل7000 سے زیادہ اسپیکر نصب ہیں۔ یہ عملہ آڈیو نیٹ ورک کو فیڈ کرنے کیلئے مستقل بنیادوں پرکام کرتا ہے۔ساؤنڈ سسٹم مسجد حرام کے ہالوں ، صحنوں اور گیلریوں حتیٰ کہ اطراف کی سڑکوں تک آواز پہنچاتا ہے۔
