لندن : برطانیہ کے لیجنڈری روک بینڈ رولنگ اسٹونز کے ڈرمر چارلی واٹس 80برس کی عمر میں منگل کی رات انتقال کر گئے۔ ان کی موت کا اعلان ان کے پبلسسٹ نے لندن میں کیا۔ چارلی واٹس دنیا بھر میں اپنے دور کے عظیم ترین ڈرمرز میں شمار ہوتے تھے۔ انہوں نے رولنگ اسٹونز کے بے شمار ایسے گیتوں کی تیاری میں کلیدی کردار ادا کیا تھا، جن کی وجہ سے 1960کی دہائی کو راک میوزک کے حوالے سے سوئنگنگ سکسٹیز کا نام دیا گیا تھا۔ 1941 میں لندن میں پیدا ہونے والے چارلی واٹس 58 برس قبل1963 میں رولنگ اسٹونز میں شامل ہوئے تھے۔
