حیدرآباد۔ دنیا کی مشہور کمپنی فیاٹ آٹو موبائلس کی جانب سے تلنگانہ میں بڑے پیمانہ پر سرمایہ کاری کی جائے گی۔ریاست میں پہلے ہی سرکردہ کمپنیوں امیزون،گوگل، فیس بک اور ایپل نے سرمایہ کاری کی ہے ۔فیاٹ نے اعلان کیا ہے کہ وہ حیدرآباد میں گلوبل ڈیجیٹل ہب کے قیام کے لئے 150ملین امریکی ڈالر کی سرمایہ کاری کرے گی۔اس سے ملازمتوں کے ایک ہزار مواقع پیداہوں گے ۔چیف انفارمیشن آفیسرایف سی اے ۔نارتھ امریکہ اینڈ ایشیا پیسیفک ممتاچھاماتری نے ورچوک طریقہ کار کے ذریعہ میڈیا سے بات کرتے ہوئے کہاکہ مجوزہ گلوبل ڈیجیٹل ہب،فیاٹ کا شمالی امریکہ کے باہر بڑا انفارمیشن ٹکنالوجی سنٹرہوگا۔ایف سی اے آئی سی ٹی انڈیا کوفیاٹ کی گلوبل ٹیم کے اٹوٹ حصہ کے طورپر چلایاجائے گا۔انہوں نے کہاکہ ڈیجیٹل ہب کا قیام حیدرآبادمیں عمل میں لایاجارہا ہے ۔آنے والے برسوں میں نئے سنٹر کے ذریعہ حیدرآباد اور اس کے باہر اپنی موجودگی کومزید مستحکم کریں گے ۔ایف سی اے ،ہندوستان میں 150ملین ڈالر کی سرمایہ کاری کا پابند عہد ہے ۔یہ سرمایہ کاری نئے ڈیجیٹل ہب کے قیام کیلئے کی جارہی ہے ۔اس سرمایہ کاری سے 2021کے اواخر تک تقریبا ایک ہزار نئی ملازمتیں پیداکی جائیں گی۔ایف سی اے ڈیزائنس، انجینئرس، مینوفیکچررس گاڑیوں کو فروخت کریں گے ۔