قاہرہ: مصر کے دارالحکومت قاہرہ میں ایک گارمنٹس فیکٹری میں آتشزدگی سے 20 افراد ہلاک اور دو درجن افراد زخمی ہوگئے ۔غیر ملکی خبررساں ایجنسی کے مطابق مصر کے دارالحکومت قاہرہ میں کپڑے کی ایک فیکٹری میں آتشزدگی کے نتیجے میں کم سے کم 20 افراد ہلاک اور 24 زخمی ہوگئے ، آتشزدگی کے بعد فائر بریگیڈ نے موقع پر پہنچ کر فوری طور پر آگ بجھانے کیلئے امدادی کارروائیاں شروع کردیں جبکہ ریسکیو اہلکاروں نے زخمیوں کو ہاسپٹل منتقل کیا۔ قاہرہ میں قائم کپڑے کی فیکٹری میں لگنے والی آگ کے باعث دور دور تک دھوئیں کے غبار چھا گئے ،4 منزلہ بلڈنگ میں آگ لگنے کی وجہ ابھی تک سامنے نہیں آسکی ہے تاہم حکومت نے مقامی حکام کو تحقیقات کی ہدایات جاری کردی ہے ۔
