قاہرہ:مصر میں مہنگائی آسمان سے باتیں کرنے لگی ۔ حکومت نے قیمتوں کو کنٹرول کرنے کے بجائے شہریوں کو مرغی کا گوشت چھوڑ کرپنجے کھانے کا مشورہ دے دیا۔مصر میں مرغی کے پنجے کھانا انتہائی غربت کی نشانی ہے جہاں ملک کی 30 فیصد آبادی غربت کی لکیر سے بھی نیچے ہے۔ مہنگائی کے باعث گوشت کی قیمتوں میں 150 گنا اضافہ ریکارڈ کیا گیا ہے۔ لوگ مرغی کھانے کو بھی ترس گئے اور ایسے میں حکومت نے مہنگائی پر قابو پانے کے بجائے مرغی کے پنجے کھانے کا مشورہ دیا ہے۔
