جئے پور: چیف منسٹر راجستھان اشوک گہلوٹ نے منصفانہ صحافت کو جمہوریت کی ضرورت بتاتے ہوئے کہا ہیکہ جتنی مضبوط صحافت ہوگی، اتنی ہی مضبوط جمہوریت ہوگی۔ گہلوٹ نے سوشل میڈیا کے ذریعہ ہندی صحافت کے دن پرآج یہ بات کہی۔ انہوں نے اس موقع پر نیک خواہشات پیش کرتے ہوئے کہا کہ ہندی صحافت کی ملک میں سنہری تاریخ ہے ۔ تحریک آزادی سے لیکر آج تک یہ اپنااہم کرداراداکرتی آئی ہے ۔انہوں نے کہا کہ غیرجانبدارانہ صحافت ہمارے جمہوریت کی ضرورت ہے ، جتنی مضبوط صحافت ہوگی، اتنی ہی مضبوط جمہوریت ہوگی۔اس موقع پر اپوزیشن لیڈر گلاب چند کٹاریا نے ہندوستانی جمہوریت میں بنیادی ستون کی شکل میں عوام کو بیدارکرنے کیلئے پرعزم تمام صحافیوں کو ہندی صحافت کے دن کی دلی مبارکباد پیش کی۔
