حیدرآباد۔ لاک ڈاؤن کے نتیجہ میں ملازمت سے محروم ہونے والے اسکول بس ڈرائیور نے پھانسی لے کر خودکشی کرلی۔ بتایا جاتا ہے کہ 52 سالہ بی رویندر ریڈی ساکن کرما گوڑہ مادنا پیٹ خانگی اسکول بس کا ڈرائیور تھا اور لاک ڈاؤن کے نتیجہ میں وہ ملازمت سے محروم ہوگیا تھا۔ معاشی تنگدستی اور دیگر پریشانیوں سے دلبرداشتہ ہوکر اس نے شراب نوشی شروع کردی تھی اور کل رات دیر گئے اپنے مکان میں پھانسی لے کر خودکشی کرلی۔ پولیس مادنا پیٹ نے اس سلسلہ میں مقدمہ درج کرلیا ہے۔
