نئی دہلی : سابق کانگریس صدر راہول گاندھی نے پیر کو کورونا صورتحال پر حکومت کو گھیرتے ہوئے کہا کہ بھارتیہ جنتا پارٹی کی پالیسی عوام کے مفاد میں نہیں ہے اور ملک کو بی جے پی نظام کا مہرا نہیں بننے دیا جائے گا۔ راہول گاندھی نے کہا کہ کورونا ویکسین لینا ملک کے عوام کا حق ہے اور کورونا وبا کو روکنے کے لئے تمام شہریوں کو یہ ویکسین مفت دی جانی چاہئے۔ انہوں نے ٹویٹ کیا کہ بحث بہت ہوچکی ہے ۔ شہریوں کو یہ ویکسین مفت ملنی چاہئے ۔ بات ختم۔ ہندوستان کو بی جے پی نظام کا شکارمت بننے دیجئے ۔
