ممبئی ، 19 جون (یو این آئی) ہندوستان کے محکمہ موسمیات نے مہاراشٹر کے کئی اضلاع میں 19 جون سے 22 جون تک موسلادھار بارش کی پیش گوئی کی ہے ۔ ریاست کے مختلف حصوں میں طوفانی ہواؤں اور فعال مانسون کے اثرات کے باعث کونکن، مدھیہ مہاراشٹر، مراٹھواڑہ اور ودربھ کے علاقوں میں مختلف بارشیں متوقع ہیں۔ کونکن کے پالگھر، تھانے ، رائے گڑھ اور رتناگیری اضلاع کے لیے 19 جون کو بھاری بارش کی وارننگ جاری کی گئی ہے۔ ممبئی کے بعض علاقوں میں بھی بھاری بارش کا امکان ہے ، جس کے پیش نظر رائے گڑھ ضلع کے اسکولوں میں تعطیل کا اعلان کیا گیا ہے ۔ ممبئی میں آج صبح سے بارش شروع ہو گئی ہے جس کی وجہ سے سنٹرل اور ویسٹرن ریلوے پر ٹریفک کی رفتار کم ہو گئی ہے ۔ پونے میں بھی صبح سے بارش جاری ہے جس نے شہریوں کو مشکلات میں مبتلا کر دیا ہے ۔ گزشتہ 24 گھنٹوں میں 221 ملی میٹر بارش ریکارڈ کی گئی ہے جبکہ گزشتہ سال اس تاریخ تک 323 ملی میٹر بارش ہوئی تھی۔
