لکھنو۔ سومیا رانا‘ ممتا ز شاعر منور رانا کی دختر نے منگل کے روم سماج وادی پارٹی میں شمولیت اختیار کرلی ہے۔ ٹائمز آف انڈیا کی رپورٹ کے بموجب اکھیلیش یادو کی موجودگی میں انہوں نے پارٹی میں شمولیت اختیار کی ہے
اکھیلیش یادو نے بی جے پی پر تنقید کی
اس موقع پر ایس پی کے سربراہ اکھیلیش یادو نے اترپردیش میں بی جے پی حکومت کو تنقید کا نشانہ بنایا اور الزام لگایاکہ مصائب زدہ لوگوں کی آواز کو دبانے کے لئے پولیس کا استعمال کیاجارہا ہے۔
یوپی کے سابق چیف منسٹر نے اس بات کا بھی وعدہ کیا ہے کہ اگر ریاست میں ان کی حکومت اقتدار میں آتی ہے تو مخالف سی اے اے احتجاجیوں پر عائد تمام مقدمات ہٹادئے جائیں گے
سومیا رانا
اس سے قبل سومیا رانا نے مخالف سی اے اے احتجاج میں شامل ہوکر سرخیاں بٹوری تھیں۔ مذکوہ ریاستی پولیس نے سومیا اور ان کی بیٹی فوزیہ رانا کے خلاف مقدمہ درج کیاہے۔
بعدازاں مقدمات کے متعلق بات کرتے ہوئے سومیا نے کہا تھا کہ ان کے خلاف ریاستی حکومت کی جانب سے عائد مقدمات ان کے لئے ایک اعزاز کا نشان ہے۔
یہاں پر اس بات کاذکر ضروری ہے کہ سی اے اے کے تحت پاکستان‘ افغانستان‘ اور بنگلہ دیش میں مذہبی کاروائی کا شکار ہونے کے بعد ہندوستان ہجرت کرنے والے ائے ہندوؤں‘ سکھوں اور جین:پارسیوں‘ بدھسٹوں کے بشمول عیسائیوں کوشہریت سے نوازا جائے گا‘ مگر یہ 31ڈسمبر2014سے قبل ہندوستان میں آنے والوں کے لئے قانون بنایاگیاہے۔