کولکتہ: مغربی بنگال کی وزیر اعلیٰ ممتا بنرجی نے جمعہ کو جھارکھنڈ کے سابق وزیر اعلیٰ ہیمنت سورین کی گرفتاری کی سخت مذمت کی۔ممتا بنرجی نے گرفتاری کو ‘غیر منصفانہ’ قرار دیا اور کہاکہ “میں طاقتور قبائلی رہنما مسٹر ہیمنت سورین کی غیر منصفانہ گرفتاری کی شدید مذمت کرتی ہوں۔انہوں نے کہاکہ ‘‘بھارتیہ جنتا پارٹی (بی جے پی) کی حمایت یافتہ مرکزی ایجنسیوں کی طرف سے انتقامی کارروائی ایک مقبول منتخب حکومت کو کمزور کرنے کی منصوبہ بند سازش کا منہ بولتا ثبوت ہے ۔وزیر اعلیٰ نے کہاکہ‘‘وہ میرا قریبی دوست ہے ۔ انہوں نے اس مشکل وقت میں جمہوریت کی حفاظت کی۔ وہ سورین کے ساتھ مضبوطی سے کھڑے ہونے کا عہد کرتی ہیں۔’’ممتا بنرجی نے اس بات کا اعادہ کیا کہ جھارکھنڈ کے لوگ شاندار جواب دیں گے اور اس اہم جنگ میں فتح حاصل کریں گے ۔
