جے پور، 28 دسمبر (یو این آئی) راجستھان کے وزیر اعلی بھجن لال شرما نے کہا کہ وزیر اعظم نریندر مودی “من کی بات” پروگرام کے ذریعے ملک کی ترقی کو شیئر کرتے ہیں اور یہ پروگرام ملک کی کامیابیوں پر فخر کرنے کا ایک موقع ہے ۔مسٹر شرما نے اتوار کو وزیر اعلی کی رہائش گاہ پر عوام کے ساتھ “من کی بات” سنی۔ انہوں نے کہا کہ مسٹر مودی کی قیادت میں راجستھان سمیت پورے ملک نے 2025 میں مختلف شعبوں میں کامیابی کی نئی بلندیاں حاصل کی ہیں۔انہوں نے کہا کہ وزیر اعظم “من کی بات” کے ذریعے ملک کی ترقی کو بانٹتے ہیں اور یہ پروگرام ملک کی کامیابیوں پر فخر کرنے کا ایک موقع ہے ۔ یہ مسٹر مودی کے “من کی بات” پروگرام کی 129ویں کڑی اور 2025 کی آخری کڑی تھی۔ اپنے خطاب میں وزیر اعظم نے 2025 میں مختلف شعبوں میں ملک کی کامیابیوں پر روشنی ڈالی اور امید ظاہر کی کہ 2026 ایک ترقی یافتہ ہندوستان کے ہدف کو حاصل کرنے میں ایک اہم سنگ میل ثابت ہوگا۔ اس موقع پر ایم ایل اے گوپال شرما، سابق ایم ایل اے رام لال شرما، مختلف عوامی نمائندے اور عوام کی بڑی تعداد موجود تھی۔