واشنگٹن،20دسمبر (سیاست ڈاٹ کام) امریکی صدر ڈونالڈ ٹرمپ نے کہا کہ وہ چاہتے ہیں کہ سینیٹ مواخذہ تحریک پر جلد از جلد ٹرائل کرے ۔ ٹرمپ نے ٹویٹ کرکے کہا، ڈیموکریٹک کے پارلیمنٹ میں نہ وکیل،کوئی گواہ نہیں کچھ نہیں۔اب وہ سینیٹ کو یہ بھی بتائیں کہ ٹرائل کیسے کیا جاتا ہے ۔دراصل ان لوگوں کے پاس کوئی ثبوت نہیں ہے ،وہ کبھی دکھا بھی نہیں سکتے ۔وہ باہر ہونا چاہتے ہیں اور میں جلد از جلد ٹرائل چاہتا ہوں۔واضح رہیکہ گزشتہ چہارشنبہ کو ایوان زیریں نے عہدہ کا غلط استعمال کرنے کیخلاف ٹرمپ پر مواخذہ چلانے کی تجویز کو منظوری دی تھی۔ ٹرمپ امریکی تاریخ میں تیسرے ایسے صدر بن گئے جن کے خلاف مواخذہ تحریک پاس ہوئی ہے ۔
