کولکاتا: بہار حکومت میںوزیر محنت سریندر رام بنگال کے دور وزہ دورے کے دوران مختلف سیکٹرمیں کام کرنے والے بہارکے ورکروں سے ملاقات کی اور ان کے مسائل و شکایات سنی ۔اس دوران انہوں نے بنگال کے سیاحتی مقام دیگھا کا بھی دورہ کیا ۔مشرقی مدنی پور کے کنتائی میں ایک پرائیوٹ اسپتال کا دورہ کیا ۔اس موقع پر منعقد ایک تقریب میں انہوں نے اپنے خطاب میں کہا کہ موجود ہ مرکزی حکومت نے عام لوگوں کو نظر انداز کردیا ہے ۔اس کی وجہ سے بڑے پیمانے پر بے روزگاری ہے ۔سریندر رام نے کہا کہ یہ سال بہت ہی اہم ہے کیوں کہ عا م انتخابات ہونے والے ہیں ۔لالو پرسادیادو کی کوششوں سے ملک گیر سطح پر انڈیا اتحاد کی تشکیل ہوئی ہے ۔جس میںوزیر اعلیٰ ممتا بنرجی بھی شامل ہیں ۔بنگال کے عوام نے کبھی کبھی بھی فرقہ پرستوں کی پذیرائی نہیں کی ہے ۔اس لئے مجھے امید ہے کہ اگلے لوک سبھا کے انتخاب میں بنگال ، بہار اور ملک بھر کے عوام دشمن نریندر مودی کی حکومت کو اقتدار سے بے دخل کردیں گے ۔سریندر رام نے کہا کہ بہار تیزی سے اقتصادی ترقی کی راہ پر گامزن ہے ۔بہار میں صنعتی کارخانے قائم کرنے کی کوشش کی جارہی ہے ۔
انہوںنے کہا کہ وزیر اعلیٰ نتیش کمار اور نائب وزیراعلیٰ تیجسوی یادوبہار میںلیدر صنعت کو بحال کرنے کی کوشش کررہے ہیں ۔ ٹینری لگانے والوں کو بہار حکومت خصوصی رعایت دے گی۔بجلی میں سبسیڈ ی دی جائے گی۔کنتائی میں منعقد تقریب میں سماجی کارکن شمیم احمد نے کہا کہ سریندررام جی ملاقات ہوئی۔ہمیں خوشی ہوئی کہ وہ بہار کے ورکروں کے فلاح وبہبود کیلئے سنجیدہ ہیں۔