نئی دہلی ۔ موسم سرما میں جہاں ہم شادی بیاہ کی تقریبات کے منتظر ہوتے ہیں اور مختلف تقریبات کی تیاریوں میں مصروف ہو جاتے ہیں وہیں ہماری جلد بْری طرح نظر انداز اور موسم کے اثرات کی وجہ سے متاثر ہوتی ہے۔اکثر افراد کو سردیوں میں خشکی اور خارش کی وجہ سے جلد کے مسائل کا سامنا رہتا ہے اور جلد کی بیشتر بیماریوں کا علاج بہت محتاط انداز میں کرنا پڑتا ہے۔ماہرین جلد کے مطابق موسم سرما میں بیشتر مریض کیراٹوسس پیلاریس نامی بیماری کا شکار ہوجاتے ہیں۔ اسے عام زبان میں چکن اسکِن‘ یا ’اسٹرابیری اسکِن‘ بھی کہتے ہیں۔اس بیماری میں ہیر فولیکل میں بیکٹیریا، چکنائی اور ڈیڈ اسکِن جم جاتی ہے اور اس کے باعث جِلد پر گہرے دھبے نمایاں ہوجاتے ہیں۔ماہرین کے مطابق یہ عام طور سے جینیاتی مرض ہے جو ہیر فولیکل کے بند ہونے کے باعث بالوں کی نشونماں میں مسائل کا سبب بنتا ہے۔ماہرین کے مطابق جن افراد کو ان مسائل کا سامنا ہو یا اس مرض میں مبتلا ہوں تو انہیں اپنا طرز زندگی تبدیل کرنے کی ضرورت ہے۔ جلد کے کھردرے پن کو دور کرنے کے لیے لوشن کا استعمال لازمی کرنا چاہئے اس کے علاوہ پانی کا استعمال زیادہ سے زیادہ کرنا چاہئے۔گرمیوں میں نمی کی وجہ سے یہ مسئلہ بہتر تو ہو جاتا ہے لیکن اس کے نشان اور خشک جلد ہمیشہ موجود رہتی ہے۔اس سے بچاؤ کے لئے گرم غسل کریں اور نہانے کے دورانیے کو محدود کریں۔
سبز لہسن سردیوں میں بہترین خوراک
موسم سرما کے آتے ہی جہاں یہ موسم خشک میوہ جات کی سوغات اپنے ساتھ لاتا ہے وہیں عمدہ اقسام کی سبزیاں بھی سردیوں کے آتے ہی مارکیٹ میں نظر آنے لگتی ہیں۔ ان سبزیوں کا استعمال ناصرف ذائقے دار ہوتا ہے بلکہ ہمیں موسمی بیماریوں سے بھی نبرد آزما ہونے میں مدد فراہم کرتا ہے۔ سبز لہسن کا شمار بھی ان سبزیوں میں ہوتا ہے جو ہمیں سردیوں میں ہی دستیاب ہوتی ہیں، اس کے بے شمار طبی فوائد ہیں ۔ ذیابطیس، کولیسٹرول، بلڈ پریشر یہ تینوں دائمی بیماریاں جو پروان چڑھنے میں ایک دوسرے کی مدد کرتی ہیں وہیں یہ نت نئی بیماریوں کو بھی دعوت دیتی ہیں اور خاموش قاتل کی طرح جسم کو کمزور کرنا شروع کر دیتی ہے۔ ماہرین کے مطابق سبز لہسن میں یہ خوبی ہے کہ وہ بلڈ پریشرکو معمول کرنے اور خراب کولیسٹرول کا خاتمہ کرسکتا ہے۔ اس کے علاوہ یہ خون میں گلوکوزکی مقدار کو بھی کم کرنے میں انتہائی مفید سمجھا جاتا ہے۔
قوت مدافعت: ہرے لہسن میں موجود ایک خاص قسم کا سلفر جسے الیکین کہا جاتا ہے ، قوت مدافعت کو بڑھاتا ہے اور موسمی بیماریوں سے لڑنے میں مدد فراہم کرتا ہے۔ اس لیے موسم سرما میں جب نزلہ زکام اور کھانسی وغیرہ سر اْٹھانا شروع کریں تو سبز لہسن کو اپنی خوراک کا حصہ لازمی بنائیں تاکہ ڈاکٹر کے پاس جانے سے بچ سکیں۔
زخموں کو جلدی بھر دیتا : ہرا لہسن اینٹی سیپٹیک خوبیوں کا بھی حامل ہے جو زخموں کو خراب ہونے بچاتا ہے اور انہیں جلد بھرنے میں انتہائی مددگار ثابت ہوتا ہے۔
