نیویارک : امریکی ریٹنگ ایجنسی موڈیز نے خبردار کیا ہے کہ سلیکن ویلی بینک ڈوبنے کے بعد امریکی بینکنگ نظام کو مستقبل میں مزید پریشانیوں کا سامنا کرنا پڑ سکتا ہے ۔ موڈیز نے بینکنگ سیکٹر کیلئے اپنی ریٹنگ لسٹ میں امریکی بینکنگ سیکٹر کو مستحکم سے منفی میں شامل کر دیا ہے اور بینکوں میں کام کاج کے ماحول میں تیزی سے گراوٹ کا انتباہ دیا ہے ۔ امریکی اور یورپی بینکنگ شیئر میں پہلے سے ہی جاری گراوٹ کے پیش نطر موڈییز نے ان کی رینکنگ میں کمی کی ہے ، نیز کچھ بینکوں کے لئے صارفین کے چھوڑ کر جانے کا خطرہ بھی بتایا ہے ۔بیان میں کہا گیا ہے کہ بڑھتی ہوئی شرح سود بھی چیلنجنگ ہے جس کی وجہ سے کم شرح سود پر سرکاری بانڈز جیسے اثاثے خریدنے والے بینکوں کو اب نقصان اٹھانا پڑ سکتا ہے ۔موڈیز نے رپورٹ میں کہا، جن بینکوں کو کافی حد تک غیر حقیقی سیکیورٹیز کے نقصانات کا سامنا کرنا پڑا ہے اور جن کے پاس غیر خوردہ اور غیر بیمہ دار امریکی جمع کرنے والے ہیں، وہ ا بھی بھی ڈپازٹرز کمپٹیشن یا حتمی پرواز کیلئے زیادہ حساس ہوسکتے ہیں۔
