مہاراشٹر:وزیر داخلہ پر بدعنوانی کے الزامات کے درمیان دہلی میں ایم وی اے اتحاد کا اجلاس
مہاراشٹرا کے وزیر اعلی ادھو ٹھاکرے مہاراشٹر کے وزیر داخلہ انیل دیش مکھ کے بارے میں حتمی فیصلہ کریں گے جنھیں ممبئی کے سابق پولیس کمشنر پرمبیر سنگھ کے ذریعہ لگائے گئے الزامات کی وجہ سے تنقید کا سامنا کرنا پڑا ہے۔ حکومت میں شامل حلیف نیشنلسٹ کانگریس پارٹی کے سپریمو شرد پوار نے اتوار کے روز یہ بات کہی۔ تاہم ، انہوں نے پرمبیر سنگھ کے ذریعہ لگائے گئے الزامات کے وقت پر سوال اٹھایا۔ ریاست میں حکمراں اتحاد کے ایک سینئر رہنما نے میڈیا کو بتایا کہ دیشمکھ کے خلاف الزامات سنگین ہیں اور انہیں عہدہ چھوڑنا پڑسکتا ہے۔ شرد پوار نے کہا کہ پیر کو اتحادی جماعتوں کے قائدین دہلی میں ملاقات کریں گے اور انیل دیشمکھ سے متعلق فیصلہ لیں گے۔