ممبئی: مہاراشٹر کی 10 جیلوں میں قیدیوں کی رہائی کا ایک انوکھا منصوبہ چل رہاہے ، جو پورے ملک میں اصلاحی سہولیات کے لیے ایک مثال بن کر ابھرا ہے ۔ یہ پروجیکٹ ممبئی میں قائم گلوبل کیئر فاؤنڈیشن چلا رہا ہے ۔ سال 2017 میں اس منصوبے کے آغاز کے بعد سے اب تک تقریباً دو ہزار قیدیوں کو رہا کیا جا چکا ہے اور اس کے تحت کامیابی کے ساتھ بحالی کی جا چکی ہے ۔ یہ منصوبہ انہیں زندگی میں دوسرا موقع فراہم کر رہا ہے ۔سخت اسکریننگ کے عمل کے بعد ہی فاؤنڈیشن ضمانت کا عمل شروع کرتا ہے ، تاکہ اس بات کو یقینی بنایا جا سکے کہ انصاف کو ذمہ داری کے ساتھ فراہم کیا جائے ۔ گلوبل کیئر فاؤنڈیشن کا لیگل ایڈ کلینک انتہائی نگہداشت فراہم کرتا ہے ۔ فاؤنڈیشن کے بانی اور منیجنگ ٹرسٹی عابد احمد کنڈلم نے کہا، “ہم جرائم کی روک تھام کے میدان میں ایک تبدیلی کی قوت کے طور پر ابھرے ہیں، جس نے ہزاروں لوگوں کی زندگیوں کی تشکیل نو کی ہے ۔ انصاف اور سماجی بحالی کے لیے اپنی غیر متزلزل وابستگی کے ساتھ یہ تنظیم قیدیوں کی رہائی کے لیے کام کر رہی ہے ۔
