مہاکمبھ نگر: چیف منسٹر اترپردیش آدتیہ ناتھ نے اتوار کو کہا کہ مہاکمبھ کا صاف پیغام ہے کہ یہ ملک اتحاد سے ہی ‘اکھنڈ’ رہے گا۔ اتحاد اور سالمیت کے پیغام کے ساتھ ہم سبھی جڑرہے ہیں۔ میڈیا سے خطاب کرتے ہوئے انہوں ے کہا کہ ملک اور دنیا سے بڑی تعداد میں عقیدت مند مہاکمبھ آرہے ہیں۔ تمام غیر ملکی عقیدت مند بھی سنگم میں اسنان کر پرجوش نظرآرہے تھے ۔ یورپی سے جڑے کچھ سیاح ملنے آئے تھے اور پریاگ راج کی عظمت کا جس انداز میں گن گان کررہے تھے وہ سرشار کرنے والا تھا۔ وہ ہندی نہیں جانتے تھے لیکن ہندی کی چوپائی، سنسکرت کے منتروں، ودھی کی چوپائیوں کو اور سناتن دھرم سے جڑے منتروں کو گنگنا رہے تھے ۔ گنگا اور یہاں کے دھاموں کے تئیں ایک عقیدت کا جذبہ ان میں دیکھنے کو مل رہا تھا۔ یہی تو وزیر اعظم کا پیغام ہے ۔مہاکمبھ کا ایک ہی پیغام، اتحاد سے اکھنڈ رہے گا یہ ملک۔ یکتا اور سالمیت کے پیغام کے ساتھ ہم سبھی جڑرہے ہیں۔یوگی نے کہا کہ مہاکمبھ کا انعقاد جس کیلئے پریاگ راج انا جاتا ہے پوری عظمت کے ساتھ منعقد ہورہا ہے ۔مہا کمبھ کیلئے وزیر اعظم کے ویژن کو مقامی سطح پر نافذ کرنے ہر کوئی پوری عزم کے ساتھ کام کر رہا ہے ۔ اس کیلئے میں سب کا شکریہ ادا کرنا چاہوں گا کہ انھوں نے پریاگ راج کی شبیہ کو مثبت انداز میں آگے لے جانے کام کیا ہے ۔پوش پورنیما اور مکر سنکرانتی کے میں اسنان ہو چکے ہیں اور اب مونی اماواسیہ29 جنوری اور بسنت پنچمی 3 فروری کو دو بڑے مہااسنان ہونے ہیں جو اس مہا کمبھ کی خوبصورتی بھی ہیں۔ اب تک سات ہزار سے زائد ادارے یہاں آ چکے ہیں۔ آج پورے مہاکمبھ علاقے کا فضائی سروے کیا گیا ہے ۔ اگر ہم صبح سے سنگم کے کنارے پر نہانے والوں اور یہاں رہنے والے کلپواسیوں کے ساتھ دیگر تنظیموں سے وابستہ لوگوں کی کل تعداد کو دیکھیں تو تقریباً ایک کروڑ سے زیادہ لوگ یہاں موجود ہیں۔تمام مرکزی اور ریاستی محکمے یہاں موجود عقیدت مندوں کی اتنی بڑی تعداد کی سہولت اور حفاظت کو یقینی بنانے پوری تیاری کے ساتھ کام کر رہے ہیں۔شاندار،عظیم اور ڈیجیٹل کمبھ کے وژن کو سمجھنے کے ساتھ ، بھکتوں کے عقیدے کا احترام کرنے اور اسے جدیدیت سے جوڑنے کا کام کیا جا رہا ہے ۔یوگی نے کہا کہ ان تمام معاملات کو دیکھنے چیف سکریٹری، ڈی جی پی اور حکومت کے دیگر سینئر افسران کو یہاں بھیجا گیا تھا۔ آج ایک بار پھر ہم نے یہ جاننے کی کوشش کی کہ ہم نے کتنی ترقی کی ہے ۔ 29 جنوری اور 3 فروری کو مہااسنان کے پیش نظر انتظامات کو دیکھا گیا ہے ۔مجھے پورا بھروسہ ہے کہ پریاگ راج اور گنگا کے آشیرواد سے ہم یہاں ان دونوں اسنان کو بحفاظت مکمل کرنے میں کامیاب ہو جائیں گے ۔
