ڈبلن۔آئرلینڈ میں ایک خواتین کرکٹ میچ کے دوران کتے نے گیند چرالی۔یہ واقعہ بریڈی کے خلاف میچ میں سی ایس این کی اننگز کے نویں اوور میں پیش آیا، جب بیٹر ایبی لیکی کے شاٹ پر تھرڈ مین کی جانب موجود فیلڈر نے گیند تھام کر وکٹ کیپر کی جانب پھینکی، تب پہلی بار کیمرے میں کتے کی جھلک دکھائی دی۔وکٹ کیپر اسٹمپس کو نشانہ بنانے میں چوک گئیں تب کتے کی آمد ہوئی جس نے بال کو منہ میں دبوچا اور بھاگ کھڑا ہوا، ایک گارڈ بھی اس کے پیچھے بھاگا جبکہ ہجوم سے ممکنہ طور پر کتے کا مالک بھی سامنے آگیا۔ آخرکارکتے نے دوبارہ کھلاڑیوں کا رخ کیا اور وہاں گیند پھینک دی۔دلچسپ بات یہ ہے کہ آئی سی سی نے سوشل میڈیا پرکتے کی تصویر کیپ کے ہمراہ شائع کرتے ہوئے اسے ’’ڈاگ آف دی منتھ‘‘ قرار دے دیا۔
