ممبئی، 8 مئی (آئی اے این ایس) اداکارہ کرتیکا کامرا نے کہا ہے کہ وہ ہمیشہ اپنے لیے تیار ہوتی ہیں اورکبھی بھی کسی کو خوش کرنے کے لیے لباس نہیں پہنا۔ ان کے مطابق فیشن ان کی شخصیت اور اعتماد کا اہم حصہ ہے، جبکہ سب سے زیادہ اہمیت وہ خواتین کی رائے کو دیتی ہیں۔آئی اے این ایس سے گفتگو کرتے ہوئے کرتیکا کامرا نے عوامی زندگی میں خود کے لیے لباس پہننے اور دوسروں کی نظروں کے دباؤ کے درمیان توازن پر بات کرتے ہوئے کہا مجھے زندگی کے بہت ابتدائی مرحلے میں یہ احساس ہوگیا تھا کہ مجھے سجنا سنورنا پسند ہے اور میں یہ سب اپنے لیے کرتی ہوں۔ انہوں نے کہا کہ اچھا لباس ان کے دن اور خود اعتمادی دونوں پر مثبت اثر ڈالتا ہے۔کرتیکا نے بتایا کہ انہوں نے نئی دہلی کے ایک ڈیزائن اسکول میں فیشن کمیونیکیشن کی تعلیم حاصل کی، جس کے باعث فیشن کے بارے میں ان کی سمجھ مزید گہری ہوئی۔اداکارہ کے مطابق مجھے یہ جاننے میں دلچسپی رہتی ہے کہ کپڑے کس طرح تیار ہوتے ہیں، کسی مخصوص کپڑے یا ٹیکسٹائل کی تیاری میں کتنی محنت شامل ہوتی ہے، اور ایک لباس کو بنانے کے پیچھے کیا کام ہوتا ہے۔کرتیکا نے کہا کہ وہ فیشن کی دنیا میں جاری نئے رجحانات سے بھی باخبر رہتی ہیں کیونکہ وہ خود کو ’’فیشن کی شوقین‘‘ سمجھتی ہیں۔انہوں نے مزید کہا، میں ہمیشہ اپنے لیے لباس پہنتی ہوں، لیکن اگر کسی کی رائے مجھے سب سے زیادہ خوش کرتی ہے تو وہ میری سہیلیوں یا خواتین کی رائے ہوتی ہے، کیونکہ خواتین فیشن کو ایک مختلف انداز سے دیکھتی ہیں اور باریکیوں پر خاص نظر رکھتی ہیں۔اداکارہ نے دو ٹوک انداز میں کہا، میں نے کبھی کسی کو خوش کرنے کے لیے لباس نہیں پہنا۔کرتیکا کامرا نے بتایا کہ انہیں اپنی زندگی کی خواتین کی رائے بہت پسند آتی ہے، جبکہ انہیں باصلاحیت ڈیزائنرز اور اسٹائلسٹس کے ساتھ کام کرنے کا موقع بھی حاصل ہوتا ہے، جو ان کے لیے ایک اعزاز ہے۔ ان کے کام سے بہت متاثر ہوتی ہوں، لیکن جب اپنے انداز پر کام کرتی ہوں تو زیادہ تر فیصلے فطری انداز میں کرتی ہوں۔
