نئی دہلی ۔19 مئی (سیاست ڈاٹ کام)راجیہ سبھا کے صدرنشین ایم وینکیا نائیڈو اور لوک سبھا اسپیکر اوم برلا نے منگل کو پارلیمانی کمیٹیوں کی میٹنگ اور اس سے متعلق دیگر امور پر تبادلہ خیال کیا۔راجیہ سبھا سیکریٹریٹ ذرائع نے یہاں بتایا کہ دونوں عہدیداروں کی یہ میٹنگ چیئرمین کے دفتر میں ہوئی۔ملک میں 25مارچ سے نافذ لاک ڈاؤن کے دوران دونوں کی یہ دوسری میٹنگ ہے ۔اس سے قبل7 مئی کو میٹنگ کا اہتمام کیا گیا تھا۔پہلی میٹنگ کے دوران دونوں ایوانوں کے جنرل سکریٹریوں کو ویڈیو کانفرنسنگ کے ذریعہ میٹنگ کا انعقاد کرنے اور رپورٹ جمع کرنے کے امکانات تلاش کرنے کاحکم دیا گیا تھا۔آج کی میٹنگ میں متعلقہ افسران نے بریفنگ دی۔