سرینگر، 6 نومبر (یو این آئی) نیشنل کانفرنس (این سی) کے کئی اراکین اسمبلی پارٹی کے اندر بڑھتی ہوئی ناراضگی کے درمیان جمعہ کو یہاں واقع وزیر اعلیٰ کی سرکاری رہائش گاہ پر پارٹی صدر فاروق عبداللہ اور وزیر اعلیٰ عمر عبداللہ سے ملاقات کیلئے پہنچے ۔ملاقات جلد شروع ہونے والی ہے ۔ وزیر اعلیٰ کی رہائش گاہ میں داخل ہونے سے پہلے زیادہ تر اراکین اسمبلی نے ملاقات کے ایجنڈے اور ان معاملات پر تبصرہ کرنے سے گریز کیا، جنہیں وہ قیادت کے سامنے اٹھانا چاہتے ہیں۔ تاہم، گریز سے نیشنل کانفرنس کے رکن اسمبلی نذیر احمد خان نے کہا کہ فاروق عبداللہ ان کے رہنما ہیں اور وہ ان کے سامنے اپنی تشویشات رکھیں گے ۔ نیشنل کانفرنس کے صدر اور وزیر اعلیٰ سے توقع ہے کہ وہ ناراض اراکین اسمبلی کی شکایات اور مطالبات سنیں گے اور ان کے مسائل کا حل تلاش کرنے پر غور کریں گے۔
