نئی دہلی، 28 نومبر (آئی اے این ایس): اتر پردیش کے ایٹاوہ میں بحریہ کے افسر کی اہلیہ آرٹی یادو کی مشتبہ حالات میں موت کے بعد پٹنہ۔آنند وہار سوپرفاسٹ اسپیشل ٹرین (04089) کے ٹریولنگ ٹکٹ ایگزامنر (ٹی ٹی ای) سنتوش کے خلاف قتل کا مقدمہ درج کر لیا گیا ہے۔ آرٹی کی لاش سمہو بھرتھانا ریلوے ٹریک کے قریب ملی تھی۔ ابتدا میں اسے ٹرین سے گرنے کا حادثہ قرار دیاگیا تھا، لیکن اہلِ خانہ نے سنگین الزامات عائد کرتے ہوئے کہا کہ یہ حادثہ نہیں بلکہ قتل ہے۔ اہلِ خانہ کے مطابق آرٹی یادوکانپور دیہات کی رہائشی تھی اور طبی علاج کے لیے دہلی جا رہی تھی۔ ان کے شوہر اجے یادو جو بحریہ میں تعینات ہیں، اس وقت چینئی میں خصوصی تربیت حاصل کر رہے ہیں۔
