نبئی دہلی : دہلی میٹرو اپنے مسافروں کی سہولت کے لیے وقتاً فوقتاً نئی کوششیں کرتی رہتی ہے۔ اب تک دھولا کوان میٹرو کا سب سے اونچا ٹریک پوائنٹ تھا۔ اب دہلی میٹرو نے اس سے بھی اونچے ٹریک پوائنٹس بنائے ہیں۔ دہلی میٹرو نے دھولا کوان میں سب سے زیادہ ٹریک رکھنے کا ریکارڈ توڑ دیا ہے۔ اب حیدر پور بدلی موڑکے قریب سب سے اونچا ٹریک پوائنٹ بنایا گیا ہے جو ٹرین کے ریلوے ٹریک کے اوپر سے گزر رہا ہے۔ یعنی ایک ٹرین نیچے چلے گی اور دو میٹرو اوپر چلیں گی۔ سب سے زیادہ ٹریک پوائنٹ 23.6 میٹر کی اونچائی کے ساتھ تھا جوکہ پنک لائن پر ہے لیکن اب سب سے اونچا ٹریک پوائنٹ میٹرو اسٹیشن کے ستون نمبر340 پر حیدر پور بدلی موڑ پر میجنٹا لائن ایکسٹینشن (جنک پوری ویسٹ ۔ آر کے آشرم مارگ) پر ہے۔ اس کی تعمیر میں بہت سے چیلنجز کا سامنا کرنا پڑا۔ ستونوں کی تعمیر بھی تین مرحلوں میں کی گئی۔ اس پوائنٹ کی تیاری میں سب سے بڑا چیلنج جگہ کی کمی تھی۔محدود جگہ کی وجہ سے زمینی مدد کے بجائے میکاؤلے بارز ٹیکنالوجی کا استعمال کیا گیا۔ یہ ٹیکنالوجی بہت محفوظ اور مضبوط ہے میٹروکا دوسرا بلند ترین ٹریک پوائنٹ بھی حیدر پور بدلی موڑکے قریب میجنٹا ایکسٹینشن پر بنایا گیا ہے جو ریلوے کراسنگ کے اوپر بنایاگیا ہے۔ یہ 27.610 میٹر بلند ہے۔ اس کے لیے 52.288 میٹر لمبا اسٹیل اسپین بنایا گیا ہے۔اس بات کو یقینی بنانے کے لیے کہ میٹرو خدمات متاثر نہ ہوں، اس ٹریک پوائنٹ کی تیاری کا کام ہمیشہ رات کوکیا جاتا تھا۔
