وارانسی:مسلم فریق کو کورٹ سے جھٹکا، اعتراض کو کیا خارج، کہا: عرضی سماعت کے قابل

   

وارانسی کی فاسٹ ٹریک عدالت نے گیانواپی احاطہ میں مسلمانوں کی انٹری پر پابندی لگانے اور مسجد کے وضو خانہ میں ملے مبینہ شیولنگ کی پوجا کی اجازت دینے کی اپیل والی عرضی کو جمعرات کو سماعت کے قابل مانتے ہوئے مسلم فریق کے اعتراض کو خارج کردیا ۔ عدالت اب اس معاملہ کی اگلی سماعت دو دسمبر کو کرے گی ۔ وکیل سلبھ پرکاش نے بتایا کہ سول جج (سینئر ڈویزن) فاسٹ ٹریک کورٹ مہندر کمار پانڈے کی عدالت نے کرن سنگھ کی طرف سے داخل عرضی کو سماعت کے قابل مانا ہے ۔پرکاش نے بتایا کہ ہندو فریق کے وکلا نے دلیل دی کہ جائیداد کے حقوق کے تحت دیوتا کو اپنی جائیداد پانے کا بنیادی حق ہے ۔ اس پر عدالت نے یہ کہتے ہوئے مسلم فریق کے اعتراض کو خارج کردیا کہ اس معاملہ میں پلیسیز آف ورشپ ایکٹ 1991 لاگو نہیں ہوتا ہے ۔ ایسے میں یہ عرضی سماعت کے قابل ہے ۔