حیدرآباد: اداکارہ سے بنے سیاستدان اور سابق ممبر پارلیمنٹ وجئے شانتی منگل کو مرکزی وزیر داخلہ امیت شاہ کی موجودگی میں بی جے پی میں شامل ہونے کا امکان ہے۔
ٹی او آئی کی رپورٹ کے مطابق وہ پیر کے دن دہلی کا سفر کریں گی۔
توقع کی جارہی ہے کہ بی جے پی میں ان کے دوبارہ داخلے سے آئندہ جی ایچ ایم سی انتخابات میں زعفرانی پارٹی کو مدد ملے گی۔
وجئے شانتی نے کشن ریڈی سے ملاقات کی
پچھلے مہینے وجئے شانتی نے مرکزی وزیر مملکت برائے داخلہ جی کشن ریڈی سے ملاقات کے بعد اور کریم نگر کے رکن پارلیمنٹ بانڈی سنجے کمار کی گرفتاری کی مذمت کرنے کے بعد لوگوں نے قیاس آرائیاں شروع کردیں کہ وہ بی جے پی میں شامل ہوسکتی ہیں۔
تاہم ٹی پی سی سی کے ورکنگ صدر جے کسم کمار نے اسے مسترد کرتے ہوئے کہا تھا کہ وہ پارٹی میں رہیں گی۔
وجئے شانتی کا سیاسی کیریئر
وجئے شانتی نے اپنے سیاسی کیریئر کا آغاز 1998 میں بی جے پی قائد کی حیثیت سے کیا تھا۔ بعد میں ، اس نے “ٹلی تلنگانہ” کے نام سے ایک پارٹی شروع کی۔
جنوری 2019 میں اس نے پارٹی کو ٹی آر ایس میں ضم کردیا۔ وہ لوک سبھا کے لئے بھی منتخب ہوگئیں۔ بعدازاں انہیں ٹی آر ایس سے معطل کردیا گیا تھا۔
انہوں نے 2014 میں کانگریس پارٹی میں شمولیت اختیار کی تھی۔