دبئی۔7 اپریل (سیاست ڈاٹ کام) دنیا بھر میں کورونا وائرس کے باوجود آئی سی سی ٹی 20 ورلڈ کپ پروگرام کے مطابق کروانے کو تیار ہے۔ ورلڈکپ 2020 آسٹریلیا میں 18 اکتوبر سے 15 نومبر تک مقرر ہے۔ منتظمین کی جانب سے کہا گیا کہ آرگنائزنگ کمیٹی، آئی سی سی اور اراکین فیصلہ کریں گے ابھی سب کچھ منصوبے کے مطابق ہے۔ اس سلسلے میں کوئی بھی فیصلہ قبل از وقت ہوگا ابھی ایونٹ میں وقت ہے۔ مقامی منتظمین اس حوالے سے اکیلے فیصلہ نہیں کرسکتی تمام اسٹیک ہولڈرز مل کر فیصلہ کریں گے۔ واضح رہے کہ عالمی وبا کے باعث ورلڈ کپ 2020 کو غیر یقینی قراردیا جا رہا ہے۔ کورونا وائرس کے باعث کئی لیگ اور بین الاقوامی مقابلے منسوخ ہو چکے ہیں جن میں ٹوکیو اولپمکس گیمز2020، پاکستان سوپر لیگ اور آئی پی ایل بھی شامل ہیں۔
