چنئی: تمل ناڈو میں جمعرات کو روشنیوں کا تہوار دیوالی روایتی جوش و خروش کے ساتھ منایا گیا۔صبح سے ہی، روایتی ‘گنگا اسنانم’ کے بعد، لوگ نئے کپڑے پہن کر اس موقع کا جشن منانے کے لئے آتش بازی کرتے ہیں۔گھروں کے صحنوں میں رنگ برنگی رنگولیاں نظر آئیں اور لوگ خصوصی درشن کے لیے مختلف مندروں میں پہنچ گئے ۔لوگ اپنے گھر والوں، دوستوں اور رشتہ داروں کے گھر گئے اور مٹھائیاں تقسیم کرکے آتش بازی کرکے دیوالی کی مبارکباد دی۔تمل ناڈو کے گورنر آر این روی، مختلف سیاسی جماعتوں کے لیڈروں نے اس موقع پر عوام کو مبارکباد دی۔پانچ لاکھ سے زیادہ لوگ اپنے گھر والوں کے ساتھ تہوار منانے کے لیے اپنے آبائی مقامات پر پہنچ چکے ہیں۔
